🔴 ਅੱਧੀ ਰਾਤ ਤੱਕ ਜੈਸਲਮੇਰ 'ਚ ਸੁਣਾਈ ਦਿੱਤੀ ਧਮਾਕਿਆਂ ਦੀ ਆਵਾਜ਼, ਹੈੱਡ ਗ੍ਰਨੇਡ ਦੇ ਟੁਕੜੇ ਮਿਲੇ

ਰਾਜਸਥਾਨ -ਜੰਗਬੰਦੀ ਤੋਂ ਬਾਅਦ ਸ਼ਨੀਵਾਰ ਦੇਰ ਰਾਤ ਤੱਕ ਸਰਹੱਦ ਨਾਲ ਲੱਗਦੇ ਰਾਜਸਥਾਨ ਦੇ ਕਈ ਇਲਾਕਿਆਂ 'ਚ ਪਾਕਿਸਤਾਨੀ ਨੇ ਫਿਰ ਡਰੋਨ ਹਮਲੇ ਜਾਰੀ ਰਹੇ। ਭਾਰਤੀ ਫੌਜ ਇਸ ਨੂੰ ਨਾਕਾਮ ਕਰਦੀ ਰਹੀ। ਜੈਸਲਮੇਰ 'ਚ ਸ਼ਨੀਵਾਰ ਅੱਧੀ ਰਾਤ ਤੱਕ ਧਮਾਕਿਆਂ ਦੀ ਆਵਾਜ਼ ਆਉਂਦੀ ਰਹੀ।ਜੈਸਲਮੇਰ ਦੇ ਸਦਰ ਥਾਣਾ ਖੇਤਰ ਦੇ ਪੋਹਰਾ ਪਿੰਡ 'ਚ ਐਤਵਾਰ ਸਵੇਰੇ ਇਕ ਪੁਰਾਣਾ ਹੈਂਡ ਗ੍ਰਨੇਡ ਅਤੇ ਕੁਝ ਜੰਗਾਲ ਲੱਗੇ ਕਾਰਤੂਸ ਮਿਲੇ ਹਨ।ਥਾਣਾ ਸਦਰ ਪੁਲਿਸ ਨੂੰ ਸੂਚਨਾ ਦੇ ਦਿੱਤੀ ਗਈ ਹੈ। ਉਥੇ ਮੌਜੂਦ ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਸਭ ਕੁਝ ਫੌਜ ਦੀ ਚਾਲ ਦੌਰਾਨ ਹੋਇਆ ਲੱਗਦਾ ਹੈ।ਪੁਲਿਸ ਅਤੇ ਫੌਜ ਮੌਜੂਦਾ ਹਾਲਾਤਾਂ ਨੂੰ ਦੇਖਦੇ ਹੋਏ ਇਸ ਦੀ ਜਾਂਚ ਕਰੇਗੀ। ਇਸ ਤੋਂ ਬਾਅਦ ਹੀ ਕੁਝ ਸਪੱਸ਼ਟ ਹੋ ਸਕੇਗਾ।

ਐਤਵਾਰ ਸਵੇਰ ਤੋਂ ਹੀ ਸਰਹੱਦੀ ਜ਼ਿਲ੍ਹਿਆਂ ਬਾੜਮੇਰ, ਸ਼੍ਰੀਗੰਗਾਨਗਰ, ਬੀਕਾਨੇਰ ਅਤੇ ਜੈਸਲਮੇਰ ਵਿੱਚ ਆਮ ਸਥਿਤੀ ਬਣੀ ਹੋਈ ਹੈ। ਬਾੜਮੇਰ, ਜੋਧਪੁਰ, ਜੈਸਲਮੇਰ ਸਮੇਤ ਕਈ ਸ਼ਹਿਰਾਂ ਵਿੱਚ ਬਾਜ਼ਾਰ ਆਮ ਵਾਂਗ ਖੁੱਲ੍ਹੇ ਹਨ।

ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਪਾਕਿਸਤਾਨ ਨੇ ਬਾੜਮੇਰ 'ਚ ਡਰੋਨ ਹਮਲਾ ਕੀਤਾ ਸੀ। ਭਾਰਤੀ ਫੌਜ ਨੇ ਇਸ ਹਮਲੇ ਨੂੰ ਨਾਕਾਮ ਕਰ ਦਿੱਤਾ। ਸ੍ਰੀਗੰਗਾਨਗਰ ਵਿੱਚ ਡਰੋਨ ਵੀ ਦੇਖੇ ਗਏ। ਜੈਸਲਮੇਰ 'ਚ ਸ਼ਨੀਵਾਰ ਰਾਤ ਨੂੰ ਇਕ ਤੋਂ ਬਾਅਦ ਇਕ ਛੇ ਧਮਾਕਿਆਂ ਦੀ ਆਵਾਜ਼ ਸੁਣਾਈ ਦਿੱਤੀ।

ਕੱਲ੍ਹ (ਸ਼ਨੀਵਾਰ) ਜਦੋਂ ਭਾਰਤ ਅਤੇ ਪਾਕਿਸਤਾਨ ਨੇ ਜੰਗਬੰਦੀ ਦਾ ਐਲਾਨ ਕੀਤਾ ਤਾਂ ਬਾੜਮੇਰ, ਜੈਸਲਮੇਰ, ਜੋਧਪੁਰ, ਫਲੋਦੀ, ਬੀਕਾਨੇਰ, ਸ੍ਰੀਗੰਗਾਨਗਰ ਅਤੇ ਹਨੂੰਮਾਨਗੜ੍ਹ ਦੇ ਬਾਜ਼ਾਰ ਖੁੱਲ੍ਹ ਗਏ। ਹਾਲਾਂਕਿ, ਜਿਵੇਂ ਹੀ ਹਨੇਰਾ ਪੈ ਗਿਆ, ਬਲੈਕਆਊਟ ਦੁਬਾਰਾ ਲਾਗੂ ਕਰ ਦਿੱਤਾ ਗਿਆ। ਇਸ ਦੇ ਨਾਲ ਹੀ ਪਾਲੀ ਅਤੇ ਬਲੋਤਰਾ ਵਿੱਚ ਵੀ ਬਲੈਕਆਊਟ ਜਾਰੀ ਹੈ।